Informazzjoni dwar il-proġett

Il-proġett HerpTrust hu mfassal fuq il-Prijoritajiet Orizzontali għall-ambjent u fuq il-ġlieda kontra t-tibdil fil-klima tal-programm ERASMUS+. L-għan tal-proġett hu li jinħoloq materjal li jippromwovi interazzjonijiet pożittivi bejn il-Bniedem u l-Erpetofawna, filwaqt li jagħti l-opportunità liċ-ċittadini flimkien mal-partijiet professjonali ikkonċernati jipparteċipaw fil-ġbir tal-informazzjoni dwar rettili u amfibji, li s’issa għadha nieqsa, kif ukoll jikkontribwixxi għall-ħarsien u l-immaniġjar tagħhom fuq livell lokali. 

Il-proġett HerpTrust se jimplimenta ħames attivitajiet b’kollox. L-ewwel attività se tippromwovi interazzjonijiet pożittivi bejn il-Bniedem u l-Erpetofawna permezz ta’ korsijiet edukattivi, filwaqt li t-tieni attività se tagħti l-opportunità lil-partijiet involuti biex jipparteċipaw f’interazzjonijiet pożittivi bejn il-Bniedem u l-Erpetofawna permezz ta’ għodda onlajn. Il-pakkett onlajn ta’ replikabbilta’ maħluq fit-tielet attività se jgħin l-interazzjonijiet pożittivi bejn il-Bniedem u l-Erpetofawna permezz ta’ ġabra ta’ riżorsi u materjal addizzjonali. L-ewwel tliet attivitajiet se jkunu implimentati kemm f’Malta kif ukoll f’Ċipru, u se jkunu promossi aħjar permezz ta’ żewġ attivitajiet multiplikaturi lokali. 

Il-proġett jimmira li jipprovdi għodda u materjal ta’ taħriġ edukattiv vokazzjonali dwar l-erpetofawna, li sa issa għadu nieqes.   Dan sabiex jitħarrġu madwar 100 persuna li għandhom sehem f’suġġetti marbuta mal-interazzjonijiet pożittivi bejn il-Bniedem u l-Erpetofawna. Il-materjal imħejji se jolqot lill-gruppi fil-mira u se jkun addattat skont il-ħtieġa, għal Malta u għal Ċipru.  Xi eżempji tar-riżultati tal-proġett huma: 1) il-kors onlajn, 2) għodda onlajn għall-osservazzjonijiet tal-erpetofawna, 3) pakkett onlajn ta’ replikabbilta’ b’attivitajiet għal taħriġ edukattiv vokazzjonali li jiffoka fuq interazzjonijiet pożittivi bejn il-Bniedem u l-Erpetofawna. Kollha huma disponibbli fi tliet lingwi (Malti, Grieg u Ingliż).